Зэсийн ханш ойрын хоёр жилд тогтвортой байна

🕔 2019/04/10 09:38   
 

Зэсийн ханш ойрын хоёр жилд тогтвортой байна

 

 
Дэлхийн зах зээл дээр зэсийн ханш 6818 ам.доллар байна. Ханш сүүлийн саруудад тогтвортой байгаа. Шинжээчдийн үзэж буйгаар ойрын хоёр жил ханш тогтвортой байх гэнэ. Харин 2023 оноос зэсийн хэрэглээнээс шалтгаанаас энэ салбарт ихээхэн өөрчлөлт орох гэнэ. Тухайлбал, тус оноос дэлхийн зэсийн хэрэглээ нэмэгдэхтэй зэрэгцэн нийлүүлэлт сая тоннд хүрэх юм байна. Гэсэн ч нийлүүлэлт эрэлтээ давахгүй байх эрсдэлтэй байгаа аж. Ингэхээр үнэ нь төсөөлшгүй өсөхийг хэлээд байгаа юм.

Зэсийн ханш  өнгөрсөн оны арванхоёрдугаар сард 7000 ам.доллар давсан. Өсөлт  2018 оны эхний гурван сар  хүртэл үргэлжилсэн бөгөөд түүнээс хойш аажмаар унасаар 6100 ам.долларт хүрсэн.  ОУВС-гийн шинжээчид энэ онд нэг тонн зэсийн дундаж үнэ 6191 ам.доллар байхаар төсөөлсөн. Харин ирэх онд дэлхийн зах зээл дэх зэсийн эрэлт, Хятадын эдийн засгийн өсөлт, макро бодлого, олон улсын геополитикоос хамаарч ханш хэлбэлзэхийг анхааруулаад буй. Энэ онд дэлхийн хэмжээнд 21.4 сая тонн зэс хэрэглэх тооцоо бий. Тэгвэл ирэх онд хэрэглээ 22.3 сая тонн болох төсөөлөл гараад байна. Манай улс энэ оны төсөвт зэсийн үнийг 6430 ам.доллараар тооцож, 1.3 мянган тонн зэс экспортлох зорилт тавьсан юм.

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Umnugovinews.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!